“የነገው ቀን ፈጣሪ ለምድራችን ቃልኪዳን የገባልንን ከፍታ በክብር የሚጀምርበት ቀን ነው” – ወ/ሮ አዳነች አቤቤ

አዲስ አበባ፣ መስከረም 23፣ 2014(ኤፍ ቢ ሲ) የነገው ቀን ፈጣሪ ለምድራችን ቃልኪዳን የገባልንን ከፍታ በክብር የሚጀምርበት ቀን ነዉ ሲሉ የአዲስ አበባ ከተማ አስተዳደር ከንቲባ ወ/ሮ አዳነች አቤቤ ገለፁ።

ወ/ሮ አዳነች በይፋዊ ማህበራዊ ትስስር ገፃቸዉ ላይ እንዳሰፈሩት መዲናችን አዲስ አበባም ለዚህ ታሪካዊ ቀን ዝግጅቷን አጠናቃለች ብለዋል።

ከመላዉ ህዝባችን ጋር እጅግ ብዙ አይነት ፈተና ያየንበት ፤ ብዙዎች የህይወት ዋጋ የከፈሉበት ፣ ገሚሱ በወቅታዊ ፈተና የወደቀበት ፣ የፈራም ወደኋላ የተመለሰበት/የካደበት ፣ በራስ ወዳድነት እና በጥቅማጥቅም ተጠልፈው የተንጠባጠቡበት፣ ጥቂቶች ቆራጦች ከእናት ጡት ነካሾች ጋር ኢትዮጵያን ለማዳን የተዋደቅንበት እና እዉነተኛ ወዳጆቻችንን ያወቅንበት ነው ።

እነሆ ነገ አዲስ ምዕራፍ የሚጀምርበት ፤ ሕዝቡ በነቂስና በነፃነት የመረጠዉን መንግስት ይመሰርታልም ብለዋል።

ውድ የሃገሬ ልጆች በእርግጥ ያንን ሁሉ አልፈን ለዚህ አዲስ ምዕራፍ መድረሳችን በታሪካችን ልዩ ስፍራ አለው በማለት የእንኳን ደስ አላችሁ መልእክትም አስተላልፈዋል።

ለዚህ የዴምክራሲ ጭላንጭል በመላዉ አገራችን ለፈነጠቀበት ታላቅ ቀን ዋጋ የከፈላችሁ፤ እየከፈላችሁም ላላችሁ የኢትዮጵያ ሀቀኛ ልጆች ምንጊዜም ዘላለማዊ ክብርና ሞገስ ይገባችኋል ብለዋል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!