የፕሪሚርየር ሊጉ የውድድር ዘመኑ ፈጣን ግቦች የተመዘገቡበት ጨዋታ በኢትዮጵያ ቡና አሸናፊነት ተጠናቀቀ

አዲስ አበባ ፣ መጋቢት 3 ፣ 2013 (ኤፍ ቢ ሲ) የቤትኪንግ የኢትዮጵያ ፕሪሚየር ሊግ የውድድር ዘመኑ ፈጣን ግቦች የተመዘገቡበት ድሬዳዋ ከተማን ከኢትዮጵያ ቡና ያገናኘው ጨዋታ በቡናማዎቹ 3 ለ 1 አሸናፊነት ተጠናቋል።

በጨዋታውና በውድድር ዘመኑ ፈጣን የሆነውን ግብ አቡበከር ናስር በ2ኛው ደቂቃ ላይ ሲያስቆጥር ጁኒያስ ናንጄቦ ድሬዳዋን አቻ ያደረገችና የውድድር ዘመኑ ሁለተኛዋን ፈጣን ግብ በ3ኛው ደቂቃ ላይ አስቆጥሯል።

የኢትዮጵያ ቡናን ቀሪ የማሸነፊያ ግቦች አስራት ቱንጆ እናእንዳለ ደባልቄ በማስቆጠር ኢትዮጵያ ቡና ከፋሲል ከነማ ያለውን የነጥብ ልዩነት ወደ ነበረበት 8 ነጥብ እንዲመልስ አስችለውታል።

በባህርዳር ሲካሄድ የነበረው የቤትኪንግ የኢትዮጵያ ፕሪሚየር ሊግ መርሃ ግብር በዚህ ጨዋታ የተጠናቀቀ ሲሆን ቀጣዩ ዙር ድሬዳዋ ከተማ ይካሄዳል።