በቻምፒየንስ ሊጉ ፖርቶ እና ዶርትመንድ ሩብ ፍጻሜውን ተቀላቀሉ

አዲስ አበባ ፣ መጋቢት 1 ፣ 2013 (ኤፍ ቢ ሲ) በአውሮፓ ቻምፒየንስ ሊግ ፖርቶ እና ቦሩሲያ ዶርትመንድ ሩብ ፍጻሜውን ተቀላቅለዋል፡፡

ትናንት ምሽት ሁለት የቻምፒየንስ ሊጉ የጥሎ ማለፍ ጨዋታዎች ተካሄደዋል፡፡

ጁቬንቱስን ከፖርቶ ባገናኘው ጨዋታ ባለሜዳው ጁቬንቱስ ማሸነፍ ቢችልም ከሜዳው ውጭ በተቆጠረበት ጎል ከውድድሩ ተሰናብቷል፡፡

መደበኛው የጨዋታ ክፍለ ጊዜ 2 ለ 1 ተጠናቆ ወደ ጭማሪ ሰአት ያመሩ ሲሆን ጁቬንቱስ 3 ለ 2 በሆነ ውጤት አሸንፏል፡፡

በመጀመሪያው ጨዋታ ፖርቶ 2 ለ 1 ያሸነፈ ሲሆን፥ ጨዋታው በደርሶ መልስ ውጤት 4 ለ 4 በሆነ ሲጠናቀቅ ፖርቶ ከሜዳው ውጭ ባስቆጠረው ብዙ ጎል ሩብ ፍጻሜውን ተቀላቅሏል፡፡

በሌላኛው የምሽቱ ጨዋታ ቦሩሲያ ዶርትመንድ ከሴቪያ ጋር 2 አቻ ተለያይቷል፡፡

በመጀመሪያው ጨዋታ ዶርትመንድ 3 ለ 2 ያሸነፈ ሲሆን፥ ይህን ተከትሎም በደርሶ መልስ ውጤት 5 ለ 4 በማሸነፍ ሩብ ፍጻሜውን መቀላቀሉን አረጋግጧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!