አለም አቀፉን የፅዳት ቀን በንቅናቄ ለማሳለፍ ዝግጅት ተደርጓል- የአዲስ አበባ ከተማ አስተዳደር

ባለፉት ጊዜያት ከፅዳት ጋር በተያያዘ ሰፊ ስራ መሰራቱን ያነሱት ሃላፊዎቹ ስራውን በዘመቻ ብቻ ከመስራት ይልቅ የየእለት ተግባር ለማደረግ ይሰራል ብለዋል።

በነገው እለትም ከማለዳው 12 ሰአት ጀምሮ በመንግስት ተቋማት፣ በትምህርት ቤቶች ፣በሀይማኖት ተቋማት የፅዳት መርሃግብር ይካሄዳል ብለዋል።

በዚህም መላው የከተማዋ ነዋሪ በንቅናቄው እንዲሳተፍ ጥሪ አቅርበዋል።

ለፅዳት መርሃግብሩ አካባቢዎች መለየታቸውን ያነሱት ሃላፊዎቹ፤በነገው እለትም ፅዳትን በመጠበቅ የተሻለ አፈፃፅም ያላቸው አካባቢዎች እውቅና እንደሚሰጣቸው ጠቁመዋል።

አዲስ አበባ እንደአለም አቀፍ የዲፕሎማቲክ መቀመጫነቷ እና የሀገሪቱ መዲናነቷ ፅዱ፣ ውብ እና አረንጓዴ ማድረግ የሁሉም ሃላፊነት ያሉ ሲሆን በአረንጓዴ አሻራው የታዬው ንቅናቄም በፅዳት ሊደገም ይገባል ብለዋል።

በሀብታሙ ተክለስላሴ