ሶማሊላንድ ከምርጫው ማግስት

አዲስ አበባ፣ ሕዳር 5፣ 2017 (ኤፍ ቢ ሲ) ትናንት ፕሬዚዳንታዊ ምርጫ ስታካሂድ የዋለችው ሶማሊላንድ ከምርጫው ማግስት ወደ መደበኛ እንቅስቃሴዋ ተመልሳለች።

ትናንት ፕሬዚዳንታዊ ምርጫው ሲካሄድ አብዛኛው የንግድ ተቋማት ተዘግተውና ፍቃድ ከተሰጣቸው ውስን ተሽከርካሪዎች ውጪ እንቅስቃሴዎች ተገድበው ነበር።

ዛሬ የንግድ ተቋማትም ሆኑ ተሽከርካሪዎች ወደ መደበኛ እንቅስቃሴያቸው ተመልሰዋል።

ሶማሊላንዳውያን ድምጽ የሰጡበትን ፕሬዚዳንታዊ ምርጫ ውጤት እየጠበቁ ሲሆን÷ የድምጽ ቆጠራው እየተካሄደ ይገኛል።

የድምጽ አሰጣጥ ሂደቱ በሰላም የተጠናቀቀ ሲሆን÷ ሰላማዊና ፍትሃዊ መሆኑም ተገልጿል።

በታሪኩ ለገሰ (ከሀርጌሳ)