በሞቃዲሾ በደረሰ የቦምብ ጥቃት የሶስት ሰዎች ህይወት አለፈ

አዲስ አበባ፣ ሕዳር 5፣ 2017 (ኤፍ ቢ ሲ) በሶማሊያ ዋና ከተማ ሞቃዲሾ በደረሰ የቦምብ ጥቃት የሶስት ሰዎች ህይወት ማለፉ ተገለፀ፡፡

በሞቃዲሾ መንገድ ዳር የደረሰው የቦምብ ፍንዳታ የደህንነት አባላት መኪና ላይ ያነጣጠረ እንደነበር የተገለፀ ሲሆን፤ በፍንዳታው ሁለት የፀጥታ አካላት እና አንድ መንገደኛ ህይወታቸው ማለፉ ተነግሯል።

በተጨማሪም በጥቃቱ ሶስት ሰዎች ጉዳት የደረሰባቸው ሲሆን ለህክምና ወደ ሆስፒታል መወሰዳች ተመላክቷል፡፡

በሞቃዲሾ የደህንነት ባለስልጣን የሆኑት አሊ አህመድ÷ ፍንዳታውን በተመለከተ የፀጥታ አካላት በአካባቢው ተገኝተው ምርመራ እያደረጉ መሆኑን ገልፀዋል፡፡

ለተፈጸመው ጥቃት አል ሻባብ ሃላፊነቱን ወስዷል መባሉን አናዶሉ ዘግቧል፡፡