የኢትዮጵያ ፖሊስ ሆስፒታል የማስፋፊያና እድሳት ሥራ ተጠናቀቀ

አዲስ አበባ፣ ሕዳር 1፣ 2017 (ኤፍ ቢ ሲ) የኢትዮጵያ ፖሊስ ሆስፒታል የማስፋፊያ እና እድሳት ሥራ ተጠናቅቆ ለአገልግሎት ክፍት ሆኗል፡፡

የኢትዮጵያ ፖሊስ ሆስፒታል ከ61 ዓመት በላይ ዕድሜ ያለው አንጋፋ ተቋም ሲሆን÷ለሆስፒታሉ የማስፋፊያና እድሳት ሥራ መከናወኑ አገልግሎቱን ማዘመን እንደሚያስችል ተገልጿል፡፡

የኢትዮጵያ ፌዴራል ፖሊስ ኮሚሽነር ጀነራል ደመላሽ ገ/ሚካኤል እና የጠቅላይ መምሪያ ሃላፊዎችም በፖሊስ ሆስፒታል ያለውን የአገልግሎት አሰጣጥ ተዘዋውረው ተመልክተዋል፡፡

በዕለቱ የኢትዮጵያ ፌዴራል ፖሊስ በ2016 በጀት ዓመት ውጤታማ የሥራ አፈጻጸም ላስመዘገቡ ሰራተኞች ምስጋና እና እውቅና ሰጥቷል፡፡

በፀጋዬ ንጉስ