ዶናልድ ትራምፕ የመጀመሪያቸውን ትልቅ የተባለ ሹመት ሰጡ

አዲስ አበባ፣ ጥቅምት 29፣ 2017 (ኤፍ ቢ ሲ) አዲስ ተመራጩ የአሜሪካ ፕሬዚዳንት ዶናልድ ትራምፕ የመጀመሪያቸውን ትልቅ የተባለ ሹመት ሰጥተዋል፡፡

ድብቋና ስትራቴጂስት በመባል የሚታወቁት የ67 ዓመቷ ሱዚ ዋይልስን የነጩ ቤተ-መንግስት የጽህፈት ቤት ኃላፊ (ቺፍ ኦፍ ስታፍ) አድርገው ሾመዋል፡፡

ሱዚ ዋይልስ በነጩ ቤተ-መንግስት ትልቅ የስልጣን ቦታ ነው የሚባለውን በመያዝ የመጀመሪያዋ ሴት አሜሪካዊ በመሆን ታሪክ አስመዝግበዋል፡፡

ሱዚ ዋይልስ ከ73 ቀናት በኋላ ወደ ነጩ ቤተመንግስት ለሚመለሱት ዶናልድ ትራምፕ የፖሊሲና የዕለት ተዕለት ተግባራት አማካሪ ሆነው ያገለግላሉ ተብሏል፡፡

ዶናልድ ትራምፕ ሹመቱን ከሰጡ በኋላ÷ ሱዚ ዋይልስ በይምረጡኝ ዘመቻቸው ዋና ተዋናይ እንደነበሩ፣ ጠንካራ ፣ ብልህና የፈጠራ ሰው እንደሆኑ ገልፀዋል።