አዲስ አበባ ዩኒቨርሲቲ የብሪክስ ሀገራት ዩኒቨርሲቲዎች ማህበር መስራች አባል ሆነ

አዲስ አበባ፣ ጥቅምት 26፣ 2017 (ኤፍ ቢ ሲ) አንጋፋው አዲስ አበባ ዩኒቨርሲቲ የብሪክስ ሀገራት ዩኒቨርሲቲዎች ማህበር መስራች አባል መሆኑን አስታውቋል፡፡

የአዲስ አበባ ዩኒቨርሲቲ ሩሲያ፣ ሕንድ እና ብራዚልን ጨምሮ ከብሪክስ ሀገራት ዩኒቨርሲቲዎች ጋር በመሆን በጣምራ የብሪክስ ሀገራት ዩኒቨርሲቲዎች ማኅበርን በመመስረት የመጀመሪያው የምስራቅ አፍሪካ ሀገር ዩኒቨርሲቲ ሆኗል ተብሏል።

አራቱ የብሪክስ ሀገራት ዩኒቨርሲቲዎች የመሰረቱት ማህበር በትምህርት በዲፕሎማሲ በጥናትና ምርምር እንዲሁም በፈጠራ ስራ በጋራ መስራት የሚያስችላቸው እንደሆነም ነው የተጠቆመው።

የአዲስ አበባ ዩኒቨርሲቲ በአዲሱ የራስ-ገዝ ስትራቴጂክ እቅድ መሰረት አጋርነትና ዓለም አቀፋዊነትን በትኩረት እየሰራ እንደሚገኝ በማህበራዊ ትስስር ገጹ አንስቷል።