ኢትዮ ኤሌክትሪክ ሀዋሳ ከተማን አሸነፈ

አዲስ አበባ፣ ጥቅምት 22፣ 2017 (ኤፍ ቢ ሲ) ዛሬ በተካሄደው የኢትዮጵያ ፕሪሚየር ሊግ 6ኛ ሳምንት ጨዋታ ኢትዮ ኤሌክትሪክ ሀዋሳ ከተማን 2 ለ 1 በሆነ ውጤት አሸነፈ።

ምሽት 1 ሰዓት ላይ በድሬዳዋ ስታዲየም በተካሄደው ጨዋታ ኢትዮ ኤሌክትሪክ በረከት ሳሙኤል (በራስ ላይ) እና ኢዮብ ገብረማርያም ባስቆጠሯቸው ግቦች ሶስት ነጥብ ይዞ ወጥቷል።

ሀዋሳ ከተማን ከሽንፈት ያላዳነችውን ብቸኛ ግብ ዓሊ ሱሌይማን አስቆጥሯል።

በተመሳሳይ ቀን 10 ሰዓት ላይ በድሬዳዋ ስታዲየም በተካሄደው የሊጉ 6ኛ ሳምንት ድሬዳዋ ከተማ እና አዳማ ከተማ 1 ለ 1 በሆነ አቻ ውጤት ነጥብ ተጋርተዋል።

ግቦቹን መሀመድ ኑር ናስር ለድሬዳዋ ከተማ፤ ቢኒያም አይተን ደግሞ ለአዳማ ከተማ አስቆጥረዋል።