የካፍ ፕሬዚዳንት ፓትሪስ ሞትሴፔ አዲስ አበባ ገቡ

አዲስ አበባ፣ ጥቅምት 10፣ 2017 (ኤፍ ቢ ሲ) የአፍሪካ እግር ኳስ ኮንፌዴሬሽን (ካፍ) ፕሬዚዳንት ፓትሪስ ሞትሴፔ (ዶ/ር) ዛሬ ጠዋት አዲስ አበባ ገብተዋል።

ፓትሪስ ሞትሴፔ በኢትዮጵያ በሚካሄደው 46ኛው የካፍ ጠቅላላ ጉባዔ ላይ ለመሳተፍ ነው አዲስ አበባ የገቡት።

ፕሬዚዳንቱ ቦሌ ዓለም አቀፍ አውሮፕላን ማረፊያ ሲደርሱም የውጭ ጉዳይ ሚኒስትር ጌዲዮን ጢሞቲዎስ፣ የባህልና ስፖርት ሚኒስትር ሸዊት ሻንካ እና ሌሎች ከፍተኛ የመንግስት የሥራ ሃላፊዎች አቀባበል አድርገውላቸዋል።

46ኛው የካፍ ጠቅላላ ጉባዔ ከነገ ጀምሮ ለሶስት ተከታታይ ቀናት በአዲስ አበባ እንደሚካሄድ የውጭ ጉዳይ ሚኒስቴር መረጃ ያመላክታል።