ኢትዮጵያ ከፓኪስታን ጋር በአምራች ዘርፎች በጋራ የመስራት ፍላጎት እንዳላት ተመላከተ

አዲስ አበባ፣ ጳጉሜን 5፣ 2016 (ኤፍ ቢ ሲ) ኢትዮጵያ በጨርቃጨርቅና ፋርማሲዩቲካል አምራች ዘርፎች ከፓኪስታን ጋር በጋራ መስራት እንደምትፈልግ የውጭ ጉዳይ ሚኒስትር ዴኤታ አምባሳደር ምስጋኑ አርጋ ገለጹ።

አምባሳደር ምስጋኑ አርጋ በኢትዮጵያ የፓኪስታን አምባሳደር ሚያን አቲፍ ሸሪፍ ጋር ተወያይተዋል።

በውይይታቸውም፤ የሁለትዮሽ ግንኙነትን በማጠናከር ኢትዮጵያ በጨርቃጨርቅ እና ፋርማሲዩቲካል አምራች ዘርፎች ከፓኪስታን ጋር ግንኙነቷን ለማጠናከር እንደምትፈልግ ተገልጿል።

በሀገራቱ መካከል ያለውን የአየር ትራንስፖርት በረራ ቁጥር በማሳደግ በአቪየሽን ዘርፍ ትብብራቸውን ለማሳደግ እንደሚሰራም ከውጭ ጉዳይ ሚኒስቴር የተገኘው መረጃ ያመለክታል።