በደሴ ከተማና አካባቢው ለሚገኙ ዓይነ ስውራን ድጋፍ ተደረገ

አዲስ አበባ፣ ነሐሴ 29፣ 2016 (ኤፍ ቢ ሲ) የቀዳማዊት እመቤት ጽሕፈት ቤት በደሴ ከተማና አካባቢው ለሚገኙ ዓይነ ስውራን ንባብን ጨምሮ ሌሎች እገዛዎችን የሚያደርግ “ኦርካም ማይ አይ” የተሰኘ ዓይነ መነፅር አበረከተ፡፡

ደሴ ከተማን ጨምሮ ከደቡብ ወሎ እና ሰሜን ወሎ ዞኖች ለተወጣጡ ከ650 በላይ ዓይነ ስውራን ድጋፍ መደረጉን የኦርካም ፕሮጀክት ሥራ አስኪጅ አሰግድ ክብረት አስታውቀዋል፡፡

መነጽሩ የአማርኛ እና እንግሊዝኛ ቋንቋዎች ጽሑፎችን እንደሚያነብ፣ ቀለማትን እና ሰውን ጨምሮ ከፊት ለፊት ምን እንዳለ በመመዝገብ መረጃ ይሰጣል ብለዋል፡፡

ከለጋሾች በተገኘ ገንዘብ ወደ ሀገር ውስጥ መግባቱን እና የዓይነ ስውራኑን ሕይወት የሚያቀልል ነው ማለታቸውን የደሴ ከተማ ኮሙኒኬሽን ጽ/ቤት መረጃ አመላክቷል፡፡