በአንድ ጀምበር የአረንጓዴ አሻራ መርሐ ግብር 615 ነጥብ 7 ሚሊየን ችግኝ ተተከለ

አዲስ አበባ፣ ነሐሴ 17፣ 2016 (ኤፍ ቢ ሲ) ዛሬ በመላ ሀገሪቱ በተከናወነው የአንድ ጀምበር የአረንጓዴ አሻራ መርሐ- ግብር 615 ነጥብ 7 ሚሊየን ችግኝ መተከሉን ጠቅላይ ሚኒስትር ዐቢይ አሕመድ (ዶ/ር) አስታውቀዋል፡፡

በዘንድሮ የአረንጓዴ አሻራ መርሐ-ግብር በአንድ ጀንበር 600 ሚሊየን ችግኝ ለመትከል ዕቅድ ተይዞ ወደ ሥራ መገባቱን ጠቅላይ ሚኒስትር ዐቢይ (ዶ/ር) ተናግረዋል፡፡

ሆኖም በዛሬው ዕለት በተደረገው ሰፊ ርብርብ 615 ነጥብ 7 ሚሊየን ችግኝ መትከል መቻሉን ነው የገለጹት፡፡

ስኬታማ በሆነው የአንድ ጀምበር የአረንጓዴ አሻራ መርሐ ግብር ለተሳተፉ አካላትም ጠቅላይ ሚኒስትሩ ምስጋና አቅርበዋል፡፡