ነጋሽ ዋጌሾ (ዶ/ር ኢ/ር) የክልሉ ህዝብ በአንድ ጀምበር የአረንጓዴ አሻራ መርሐ-ግብር እንዲሳተፍ ጥሪ አቀረቡ

አዲስ አበባ፣ ነሐሴ 16፣ 2016 (ኤፍ ቢ ሲ) የደቡብ ምዕራብ ኢትዮጵያ ህዝቦች ክልል ርዕሰ መስተዳድር ነጋሽ ዋጌሾ (ዶ/ር ኢ/ር) የክልሉ ህዝብ በአንድ ጀምበር የአረንጓዴ አሻራ መርሐ-ግብር በንቃት እንዲሳተፍ ጥሪ አቅርበዋል፡፡

ርእሰ መስተዳድሩ ክልሉ በአረንጓዴ አሻራ መርሐግብር የቡና ችግኞች፣ አትክልትና ፍራፍሬ ፣ የመድኃኒት ጠቀሜታ ያላቸው ችግኞችን እንዲሁም የከብት መኖ በመትከል በከብት እርባታ በወተትና የስጋ ምርት ውጤታማ መሆን መቻሉን ተናግረዋል።

ነገ ከጠዋቱ 12 ሰዓት ጀምሮ ለሚከናወነው የአንድ ጀምበር የአረንጓዴ አሻራ መርሐ-ግብርም ዝግጅት መደረጉን ተናግረው ሁሉም የህብረተሰብ ክፍል አሻራውን እንዲያሳርፉ ጥሪ ማቅረባቸውን በብልጽግና ፓርቲ የክልሉ ቅርንጫፍ ጽ/ቤት መረጃ ያመላክታል፡ ፡