ዩክሬን 30 የሩሲያ ድሮኖችን መትታ መጣሏን አስታወቀች

አዲስ አበባ፣ ነሐሴ 7፣ 2016 (ኤፍ ቢ ሲ) የዩክሬን ዓየር ኃይል የሩሲያ 30 ድሮኖች ተመትተው መውደቃቸውን አስታውቋል፡፡

የሀገሪቱ ዓየር ሃይል በሰጠው መግለጫ ፥ ድሮኖቹ በደቡባዊ፣ ሰሜናዊ እና መካከለኛው ዩክሬን በሚገኙ ስምንት አካባቢዎች ተመትተው መውደቃቸውን ነው ያስታወቀው፡፡

የሩሲያ ሃይሎች ከቮሮኔዝ ቀጣና ሁለት ኢስካንደር-ኤም/ኬኤን-23 የተባለ ባሊስቲክ ሚሳኤሎችንም ተኩሰዋል ተብሏል፡፡

በዚህም አንድ ሰው መቁሰሉንና የጋዝ መስመር እና ሆስፒታልን ጨምሮ የመሠረተ ልማት ተቋማት ጉዳት እንደደረሰባቸው ታውቋል፡፡

ማክሰኞ ማለዳ ላይ የኪንዝሃል አየር የተወነጨፈ ባሊስቲክ ሚሳኤሎችን ተሸካሚ የሆነው ኤም አይ ጂ-31 ከሩሲያ ከተነሳ በኋላ በዩክሬን ማስጠንቀቂያ ተሰጥቷል መባሉን የዘገበው ዥኑዋ ነው።