የግብርና ኢንቨስትመንት ፎረም በአዲስ አበባ ሊካሄድ ነው

አዲስ አበባ፣ ነሐሴ 6፣ 2016 (ኤፍ ቢ ሲ) ሀገር አቀፍ የግብርና ኢንቨስትመንት ፎረምና አውደ ርዕይ ነሐሴ 8 እና 9 ቀን 2016 ዓ.ም በአዲስ አበባ እንደሚካሄድ የግብርና ሚኒስቴር አስታወቀ፡፡

ፎረሙ ምርትና አገልግሎትን እንዲሁም ዘመን ያፈራቸውን ቴክኖሎጂዎች ለማስተዋወቅ ከፍተኛ ሚና ይኖረዋል ተብሏል፡፡

ፎረሙን አስመልክቶ የግብርና ሚኒስትር ዴኤታ ሶፊያ ካሳ (ዶ/ር) በሰጡት መግለጫ÷በፎረሙ ላይ አርሶና አርብቶ አደሮች፣ ባለሀብቶችና አጋር አካላት ይሳተፋሉ ብለዋል፡፡

በፎረሙ ከ5 ሺህ በላይ ባለሀብቶች ምርትና አገልግሎታቸውን እንደሚያስተዋውቁ በመግለጽ ከአነስተኛ እስከ ከፍተኛ ማሽነሪዎችና ዘመን ያፈራቸው ቴክኖሎጂዎችን የማስተዋወቅ ስራም ይሰራል ነው ያሉት፡፡

እንዲሁም የከተማ ግብርና ምን ውጤት እንዳመጣ የግንዛቤ ማስጨበጫ ስራዎችም ይሰራሉ ማለታቸውን ከግብርና ሚኒስቴር ያገኘነው መረጃ ያመላክታል፡፡