እየተካሄደ የሚገኘውን የማራቶን ውድድር ጨምሮ ኢትዮጵያ የምትጠበቅበት ሶስት ውድድሮች ዛሬ ይካሄዳሉ

አዲስ አበባ፣ ነሐሴ 3፣ 2016 (ኤፍ ቢ ሲ)እየተካሄደ የሚገኘውን የወንዶች የማራቶን ውድድር ጨምሮ ኢትዮጵያ የምትጠበቅበት ሶስት ውድድሮች ዛሬ ይካሄዳሉ፡፡

በፓሪስ 2024  የኦሊምፒክ ወድድር ኢትዮጵያውያን አትሌቶች የሚጠበቁት የወንዶች ማራቶን የፍጻሜ ውድድር በመካሄድ ላይ ይገኛል።

አትሌት ቀነኒሳ በቀለ፣ አትሌት ታምራት ቶላና አትሌት ደሬሳ ገሌታ ኢትዮጵያን ወክለው በመወዳደር ላይ ናቸው።

ከምሽቱ 2 ሰዓት ከ50 ደቂቃ ላይ የወንዶች የ5ሺህ ሜትር ፍጻሜ ይካሄዳል፤በውድድሩ አትሌት ሐጎስ ገብረሕይወት፣ አትሌት ቢኒያም መሐሪና አትሌት አዲሱ ይሁኔ ይወዳደራሉ።

በተያያዘም ከምሽቱ 3 ሰዓት ከ15 ደቂቃ ላይ የ1 ሺህ 500 ሜትር ሴቶች የፍጻሜ ውድድር የሚካሄድ ሲሆን÷  በውድድሩ አትሌት ጉዳፍ ፀጋይና አትሌት ድርቤ ወልተጂ ይሳተፋሉ።