ቼልሲ ፔድሮ ኔቶን ከወልቭስ ለማስፈረም ተስማማ

አዲስ አበባ፣ ነሐሴ 3፣ 2016 (ኤፍ ቢ ሲ) ቼልሲ የወልቭሱን የፊት መስመር አጥቂ ፔድሮ ኔቶን ለማስፈረም ስምምነት ላይ መድረሱ ተገለፀ፡፡

የምዕራብ ለንደኑ ክለብ ለተጫዋቹ ዝውውር በአጠቃላይ 63 ሚሊዮን ዩሮ አውጥቷል፡፡

ዎልቭስ ተጫዋቹን ለመተካት ካርሎስ ፎርብስን ከአያክስ ለማስፈረም መስማማቱ ተገልጿል፡፡

ፔድሮ ኔቶ ሰማያዊዎቹን በይፋ ለመቀላቀል የሚያስችለውን የህክምና ምርመራ ለማድረግ ቀጠሮ መያዙ ታውቋል፡፡

በተመሳሳይ ባርሴሎና ስፔናዊውን አጥቂ ዳኒ ኦልሞን አስፈርሟል፡፡

ኦልሞ በባርሴሎና እስከ 2030 የሚያቆየውን ኮንትራት የፈረመ ሲሆን የህክምና ምርመራውን አጠናቆ በይፋ ክለቡን ተቀላቅሏል፡፡