በአፍሪካ አትሌቲክስ ሻምፒዮና የእርምጃ ውድድር ኢትዮጵያ በሁለቱም ጾታ ወርቅ አገኘች

አዲስ አበባ፣ ሰኔ 18፣ 2016 (ኤፍ ቢ ሲ) በካሜሩን ዱዋላ እየተካሄደ በሚገኘው 23ኛው የአፍሪካ አትሌቲክስ ሻምፒዮና የእርምጃ ውድድር ኢትዮጵያ በሁለቱም ጾታዎች የወርቅ ሜዳሊያ አሸናፊ ሆናለች፡፡

ዛሬ ረፋድ የተካሄደው የ20 ኪሎ ሜትር የእርምጃ ውድድር በአትሌት ስንታየሁ ማስሬ እና ምስጋና ዋቁማ አሸናፊነት ተጠናቅቋል።

እስከ አሁን በተካሄዱ ውድድሮች ኢትዮጵያ በሁለቱም ጾታዎች የእርምጃ ውድድሮች 2 ወርቅ፣ በ10 ሺህ ሜትር ወንዶች 1 ወርቅና 1 ብር፣ በ5 ሺህ ሜትር ሴቶች 1 ወርቅና 1 ብር እንዲሁም በ10 ሺህ ሜትር ሴቶች 1 ነሐስ በማግኘት በአጠቃላይ አራት የወርቅ፣ 2 የብር እና 1 የነሀስ ሜዳሊያዎችን መሰብሰብ ችላለች፡፡

23ኛው አፍሪካ አትሌቲክስ ሻፒዮና በዱዋላ በፈረንጆቹ ከሰኔ 21 እስከ 26 ቀን 2024 በመካሄድ ላይ እንደሚገኝ ይታወቃል።