ኢትዮጵያ በቱሪዝም ዘርፍ እያከናወነች ያለውን ሥራ ለብሪክስ አባል ሀገራት አብራራች

አዲስ አበባ፣ ሰኔ 15፣ 2016 (ኤፍ ቢ ሲ) ኢትዮጵያ ለቱሪዝም ዘርፍ የሰጠችውን ከፍትኛ ትኩረትና እያከናወነች ያለውን ሰፊ የልማት ሥራዎች በተመለከተ ለብሪክስ አባል ሀገራት አብራርታለች፡፡

የብሪክስ አባል ሀገራት የቱሪዝም ሚንስትሮች ጉባዔ በሩሲያ እየተካሄደ ነው፡፡

የቱሪዝም ሚኒስትር አምባሳደር ናሲሴ ጫሊ በጉባዔው እየተሳተፉ ሲሆን÷ በዚሁ ወቅትም ኢትዮጵያ ከቱሪዝም ልማት አንፃር ያላትን ሰፊ ዕድል፣ ለዘርፉ የሰጠችውን ትኩረት እና እያከናወነች ያለውን የመዳረሻ ልማት ሥራዎች በተመለከተ ለአባል ሀገራቱ ገለጻ አድርገዋል፡፡

ከብሪክስ አባል ሀገራት ጋር በቱሪዝም ዘርፍ በቀጣይ የሚያደርጉትን ትብብር በተመለከተም በጉባዔው ላይ ምክክር እንደሚደረግ መገለጹን የቱሪዝም ሚኒስቴር መረጃ መላክቷል፡፡