እስራኤል በፈጸመችው የአየር ጥቃት የሂዝቦላህ ከፍተኛ አዛዥ ተገደለ

አዲስ አበባ፣ ሰኔ 5፣ 2016 (ኤፍ ቢ ሲ) እስራኤል በደቡብ ሊባኖስ በፈጸመችው የአየር ላይ ጥቃት የሂዝቦላህ ከፍተኛ አዛዥ ታሌብ አብደላህ ተገደለ፡፡

ታሌብ አብደላህ የእስራኤል ጦር ትናንት ምሽት በደቡባዊ ሊባኖስ ጆዩያ በተሰኘ አካባቢ በፈጸመው የአየር ጥቃት ነው የተገደለው፡፡

በቅጽል ስሙ አቡ ታሌብ ተብሎ የሚጠራው ታሌብ አብደላህ በደቡብ ሊባኖስ ቀጣና የሂዝቦላህ ታጣቂ ቡድን አዛዥ እንደነበር ሬውተርስ ዘግቧል፡፡

ከአዛዡ በተጨማሪም ሶስት የሂዝቦላህ ታጣቂ ቡድን አባላት በጥቃቱ መገደላቸው ነው የተገለጸው፡፡

ታሌብ አብደላህ የተባለው ከፍተኛ የቡድኑ አዛዥ መገደሉን ሂዝቦላህ ባወጣው መግለጫ አረጋግጧል፡፡