ሂዝቦላህ በ9 የእስራኤል የጦር ይዞታዎች ላይ ጥቃት መፈፀሙን ገለፀ

አዲስ አበባ፣ ጥር 18፣ 2016 (ኤፍ ቢ ሲ) የሊባኖሱ ታጣቂ ቡድን ሂዝቦላህ በድንበር አቅራቢያ በሚገኙ 9 የእስራኤል የጦር ይዞታዎች ላይ ጥቃት መፈፀሙን አስታውቋል፡፡

በጥቃቱ ሚሳኤሎች እና ሌሎች የጦር መሳሪያዎችን ጥቅም ላይ ማዋሉንም ቡድኑ ባወጣው መግለጫ አስታውቋል፡፡

የእስራኤል ጦር በበኩሉ ሂዝቦላህ በሚሳኤል የታገዘ ጥቃት ቢሰነዝርም የደረሰ ጉዳት እንደሌለ ገልጾ፤ ለታጣቂ ቡድኑ በከባድ መሳሪያዎች የታገዝ የአፃፋ ምላሽ እየተሰጠ መሆኑንም አመልክቷል።

የእስራኤል እና ሃማስ ጦርነት ከተከሰተ ጊዜ ጀምሮ በደቡብ ሊባኖስ ያለው ውጥረት መባባሱ የተገለፀ ሲሆን የእስራኤል ጦር እና የሂዝቦላህ ተዋጊዎች በድንበር አካባቢ በየቀኑ የተኩስ ልውውጥ ሲያደርጉ ቆይተዋል ተብሏል፡፡

ቀደም ሲል የሂዝቦላህ ከፍተኛ የጦር መኮንን ዊሳም ታዊል በእስራኤል የአየር ጥቃት መገደሉን ተከትሎ ሂዝቦላህ አፀፋ ለመመለስ በእስራዔል ላይ የሚያደርገውን ጥቃት አጠናክሮ ቀጥሏል መባሉን ስፑትኒክ ዘግቧል፡፡