የጅቡቲ ምክር ቤት ፕሬዚዳንት ነገ በሕዝብ ተወካዮች ምክር ቤት ጉባዔ ላይ ንግግር ያደርጋሉ

አዲስ አበባ፣ ታኅሣስ 10፣ 2016 (ኤፍ ቢ ሲ) የጅቡቲ ምክር ቤት ፕሬዚዳንት ድልኤታ መሀመድ ድልኤታ ነገ በሚካሄደው 6ኛው የሕዝብ ተወካዮች ምክር ቤት 3ኛ ዓመት የስራ ዘመን 10ኛ መደበኛ ጉባዔ ላይ ንግግር ያደርጋሉ፡፡

በድልኤታ መሀመድ ድልኤታ የተመራ የፓርላማ ልዑክ ትናንት ለሥራ ጉብኝት አዲስ አበባ ሲገባ÷ የሕዝብ ተወካዮች ምክር ቤት አፈ ጉባዔ ታገሰ ጫፎ አቀባበል አድርገውለታል፡፡

ዛሬ ረፋድ ላይም በጽሕፈት ቤታቸው ተገናኝተው በተለያዩ ሀገራዊና የሁለትዮሽ ጉዳዮች ላይ መክረዋል፡፡

ማምሻውንም የልዑካን ቡድኑ በቦሌ ዓለም አቀፍ አውሮፕላን ማረፊያ በመገኘት የተለያዩ የሥራ ክፍሎችን ጎብኝተዋል።