ኢትዮ ፖስት በአፍሪካ ቀጣና የላቀ አገልግሎት በመሥጠት ተሸላሚ ሆነ

አዲስ አበባ፣ መስከረም 25፣ 2016 (ኤፍ ቢ ሲ) ኢትዮ ፖስት በአፍሪካ ቀጣና የላቀ አገልግሎት በመሥጠት ረገድ ተመራጭ ሆኖ በሳዑዲ አረቢያ ሪያድ በተዘጋጀ መርሐ-ግብር ተሸላሚ ሆኗል፡፡

በየዓመቱ የፖስታ አገልግሎት ሰጪዎች ምዘና የሚካሄደው በዓለም ፖስታ አገልግሎት ኅብረት ነው፡፡

ኢትዮ ፖስትም የተቀመጠውን መሥፈርት በማሟላት የ2023 የአፍሪካ ሪጅን ተመራጭ አገልግሎት ሠጪ በመሆን አሸንፏል፡፡

ሽልማቱን የኢትዮ ፖስት ምክትል ዋና ሥራ አሥፈፃሚ አቶ ጋሻው መርሻ መቀበላቸውን ከድርጅቱ ገፅ ያገኘነው መረጃ ያመለክታል፡፡

ኢትዮ ፖስት ባለፉት ዓመታት ተቋማዊ ሪፎርሞችን በመተግበር የአገልግሎት አሠጣጥ ማሻሻያዎች እንዲሁም የመልዕክት ፍጥነትና ተደራሽነት ላይ በርካታ ለውጦችን ማምጣቱን ጠቁሟል፡፡

ኢትዮ ፖስት ሽልማቱን ያገኘነው የዓለም ፖስታ ኅብረት በሚያደርገው የአገልግሎት ጥራት ምዘና ከዓመት ዓመት አፈጻጸሙን በማሻሻሉ ነው፡፡