ለኮሮናቫይረስ ክትባት ማፈላለግ ስራ የሚደረጉ ድጋፎች እንዲጠናከሩ የዓለም ጤና ድርጅት ጥሪ አቀረበ

የክትባቶቹን አይነት ይፋ ያላደረጉት ዶክተር ቴድሮስ፥ ከ100 በላይ የክትባት አይተነቶች እንደቀረቡና ከእነዚህም ውስጥ የተሻሉ እና ውጤታማ ይሆናሉ ተብሎ የታመነባቸው ከ7 እስከ 8 የሚሆኑ ተመርጠው እየተሰራባቸው ነው ብለዋል።

ክትባት የማበልፀግ ስራው ላይም ከ400 በላይ ተመራማሪዎች በመሳተፍ ላይ መሆናቸውንም አስታውቀዋል።

ቀደም ብሎም ለኮሮናቫይረስ (ኮቪድ 19) መከላከያ ክትባት የመስራት ስራው ከ12 እስከ 18 ወራትን ሊወስድ እንደሚችልም ዶክተር ቴድሮስ መግለፃቸው ይታወሳል።

ሆኖም ግን የለኮሮናቫይረስ (ኮቪድ 19) መከላከያ ክትባት ስራው በተፋጠነ መልኩ እየተካሄደ መሆኑን የገለፁት ዶክተር ቴድሮስ፥ የክትባት ስራው ባሳለፍነው ሳምንት በ40 ሀገራት፣ ኩባንያዎች እና ባክኖች የ8 ቢሊየን ዶላር ድጋፍ እንደተደረገም አስታውሰዋል።

8 ቢሊየን ዶላር ለክትባት ስራው በቂ አይደለም ያሉት ዶክተር ቴድሮስ፥ የዓለም ሀገራት እና የተለያዩ ዓለም አቀፍ ተቋማት የሚያደርጉትን ድጋፍ በተፋጠነ መልኩ ሊቀጥሉ እንደሚገባም ገልፀዋል።

ምንጭ፦ aljazeera.com