በኢትዮጵያ ተጨማሪ 3 ሰዎች የኮሮና ቫይረስ ተገኘባቸው
አዲስ አበባ ፣ ሚያዚያ 7 ፣ 2012 (ኤፍ ቢ ሲ) በኢትዮጵያ ተጨማሪ 3 ሰዎች የኮሮና ቫይረስ እንደተገኘባቸው የጤና ሚኒስቴር አስታወቀ።
የጤና ሚኒስትሯ ዶክተር ሊያ ታደሰ እንዳሉት ባለፉት 24 ሰዓታት ውስጥ 431 የላቦራቶሪ ምርመራ ተደርጎ ሶስት ሰዎች የኮሮና ቫይረስ ተገኝቶባቸዋል።
ይህን ተከትሎም በአጠቃላይ በሀገሪቱ ቫይረሱ የተገኘባቸው ሰዎች ቁጥር 85 ደርሷል።
አዲስ ቫይረሱ የተገኘባቸው ሰዎች ሶስቱም ኢትዮጵያዊ ሲሆኑ፥ አንደኛው ግለሰብ ከአሜሪካ የመጣና የጉዞ ታሪክ ያለው ነው ተብሏል።
ሁለቱ የአዲስ አበባ ነዋሪዎቹ የሆኑ የ24 እና የ30 አመት ወጣት ሲሆኑ፥ ቫይረሱ ከተገኘበት ሰው ጋር ንክኪ እንደነበራቸው ተገልጿል።
አሁን ላይ 65 ሰዎች ቫይረሱ ተገኝቶባቸው በለይቶ ማቆያ ውስጥ ሲሆኑ፥ አንድ ሰው ደግሞ ከቫይረሱ አዲስ ያገገመ መሆኑን ሚኒስትሯ አስታውቀዋል።
ሚኒስትሯ መጭውን የትንሳኤ በዓል ምክንያት በማድረግ የሚካሄዱ የበዓል ግብይቶችም አካላዊ ርቀትን በጠበቀ መልኩ በጥንቃቄ እንዲከወኑም አሳስበዋል።
ትኩስ መረጃዎችን በፍጥነት ለማግኘት የቴሌግራም ገፃችንን ሰብስክራይብ ያድርጉ!
https://t.me/fanatelevision