በመዲናዋ በህገ ወጥ መንገድ የተከማቸ 200 ኩንታል በርበሬ፣ 5 ኩንታል ጨዉ እና 15 ኩንታል ነጭ ሽንኩርት ተያዘ

በኮሚሽኑ የየካ ክፍለ ከተማ ኮተቤ አካባቢ ፖሊስ ጣቢያ አዛዥ ኮማንደር በየነ ዱሬሳ ሆን ተብሎ ህዝቡን በማወክ ተገቢ ያልሆነ ጥቅም ለማግኘት የተደረገ የስግብግብነት ተግባር እንደሆነ ጠቁመዋል።

ይህ አመርቂ ስራ ፖሊስ ከህብረተሠቡ እና ከማህበረሰብ አቀፍ ፖሊስ አገልግሎት ጋር በመሆን የተሠራ መሆኑን በክፍለ ከተማዉ ወረዳ 10 ዋና ስራ አስፈፃሚ የሆኑት አቶ አሚር ከሊፍ ገልፀዋል፡፡
ህብረተሠቡ ከእንደዚህ አይነት አላስፈላጊ ድርጊት ሊቆጠብ እንደሚገባ እና እንደቀድሞ ሁሉ ከፖሊስ ጋር መስራት እንደሚገባው ጥሪ መተላለፉን ከአዲስ አበባ ፓሊስ ኮሚሽን ያገኘነው መረጃ ያመለክታል።