በቤትኪንግ የኢትዮጵያ ፕሪምየር ሊግ 13ኛ ሳምንት ዛሬ በሚደረጉ ወሳኝ ጨዋታዎች ይጀምራል
አዲስ አበባ፣የካቲት 8፣2014 (ኤፍ ቢሲ) በቤትኪንግ የኢትዮጵያ ፕሪምየር ሊግ 13ኛ ሳምንት በነጥብ ተቀራራቢ የሆኑ ቡድኖች በሚያደርጉት ወሳኝ ጨዋታ ይጀምራል፡፡
13ኛ ሳምንት ጨዋታዎች በዛሬዉ እለት የሚጀምሩ ሲሆን፥ ቀን 10 ሰዓት ላይ ሀዋሳ ከተማ ከፋሲል ከነማ የሚያደርጉት ጨዋታ ተጠባቂ ነዉ፡፡
ከአምስት ተከታታይ ጨዋታዎች በኋላ በባህር ዳር ከነማ የተረታዉ ሀዋሳ ከተማ ከሽንፈቱ አገግሞ ደረጃዉን ለማሻሻል ወደ ሜዳ የሚገባ ሲሆን፥ ፋሲል ከነማ ደግሞ ከመሪዉ ቅዱስ ጊዮርጊስ ጋር ያለውን የነጥብ ልዩነት ለማጥበብ እና ደረጃውን ለማስጠበቅ ወደ ሜዳ ይገባል፡፡
ሀዋሳ ከተማ በ20 ነጥብ 4ኛ ደረጃ ላይ ሲገኝ አፄዎች ደግሞ ከመሪዉ ቅዱስ ጊዮርጊስ በ4 ነጥብ እርቀዉ በ22 ነጥብ ሁለተኛ ደረጃ ላይ ተቀምጠዋል፡፡
በሁለቱ ቡድኖች መካከል የተሰማ የጉዳት ዜና የሌለ ሲሆን፥ ጨዋታውን ኢንተርናሽናል ዳኛ ቴዎድሮስ ምትኩ ጨዋታውን በመሀል አርቢትርነት ይመሩታል ተብሎ ይጠበቃል፡፡
መርሃ ግብሩ ምሽት 1 ሰዓት ላይ ቀጥሎ ሲካሄድ ሰበታ ከተማ ከአዲስ አበባ ከተማ ለመጀመሪያ ጊዜ የሚገናኙበት ጨዋታም ተጠባቂ ነዉ፡፡
ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!