በሴቶች ከ20 ዓመት በታች የዓለም ዋንጫ ማጣሪያ ኢትዮጵያ ታንዛንያን ዛሬ ታስተናግዳለች

አዲስ አበባ፣ ጥር 27፣ 2014 (ኤፍ ቢሲ) በ2022 የሴቶች ከ20 ዓመት በታች የዓለም ዋንጫ ማጣሪያ 4ኛ ዙር የመልስ ጨዋታ ኢትዮጵያ ዛሬ ከቀኑ በ10፡00 ታንዛንያን በአበበ ቢቂላ ስታዲየም ታስተናግዳለች።

ቀደም ሲል አስተያየታቸዉን የሰጡት የቡድኑ አስልጣኝ ፍሬው ኃይለገብርኤል፥ ከታንዛኒያ መልስ ቡድኑ ዝግጅቶችን ሲያደርግ መቆቱን ተናግረዋል፡፡

ይህ ከ20 ዓመት በታች ብሔራዊ ቡድን ባደረጋቸው የማጣሪያ እና የሴካፋ ጨዋታዎች ለመጀመርያ ጊዜ በታንዛንያ መሸነፉ ስሜቱ ለተጫዋቾች ከባድ እንደነበር ያወሱት አሰልጣኝ ፍሬው ፥ ተጫዋቾቹን የማረጋጋት እና በሒደት በስነ ልቦናው እንዲጠነክሩ የማድረግ ስራ መሰራቱን ገልፀዋል።

ከጉዳት ጋር በተያያዘ አሰልጣኝ ፍሬው በህመም ላይ ያሉ ወሳኝ ተጫዋቾች እንዳሉ ገልፀው ፥ መሰለፍ አለመሰለፋቸውን ግን ከህክምና ባለሙያ ማረጋገጫ ሲያገኙ እንደሚወሰን መናገራቸዉን ከኢትዮጵያ እግር ኳስ ፌዴሬሽን ያገኘነዉ መረጃ ያመላክታል።

ኢትዮጵያን፦ እናልማ፣ እንገንባ፣ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!