ኣዲስ ኣበባ ፣ 13 ጉንበት፣ 2013 (ኤፍ ቢ ሲ)ታሽዓይ ዓለም ለኸ ኮንፈረንስ ጨርቀመርቂን ፋሽን ቴክኖሎጂን ኣብ ዩኒቨርሲቲ ባህርዳር ይካየድ ኣሎ።
ኢንስቲትዩት ቴክስታይልን ፋሽን ቴክኖሎጂን ኣብ ዘዳለዎ ዓለም ለኸ ኮንፈረንስ፥ ብዛዕባ ጡጥ፣ ጨርቀመርቂ፣ ፋሽን ዓለባ ከምኡ እውን ምስ ውፅኢት ቆርበት ዝተተሓሓዙ መፅናዕቲታት ቀሪቦም ልዝብ እናተገበረሎም ይርከብ።
ኣብቲ ኮንፈረንስ ካብ ውሽጢ ዓዲን ወፃኢን ዝመፅኡ ዝተፈላለዩ ተመራመርቲን ሰብ ሞያ ፈጠራ ስራሕን ተሳተፍቲ ኮይኖም።
ዋና ዳይሬክተር ኢንስቲትዩት ልምዓት ኢንዱስትሪ ጨርቃጨርቂ ኢትዮጵያ ዶክተር ስለሽ ለማ፥ እቲ ዘፈር ኣብ ረብሓ ዕቤት ሃገር ምውዓል ከምዘድሊ ተዛሪቦም፡፡
ፈጠርቲ ስራሕ ክሳተፉሉ ዝኽእሉ ዘፈር ከምዝኾነ ብመፅናዕቲ ክሕገዝ ከምዝግበኦ ብምሕባር፥ እቲ ኮንፈረንስ ነዚ ዕድል ዝፈጥር ከምዝኾነ ኣብሪሆም።
ኣብቲ ኮንፈረንስ፥ ውፅኢት ተግባራዊ ትምህርቲ ተምሃሮ ዝኾኑ ስራሕቲ ፋሺን ሾው ክካየድ ኢዩ ዝብል ትፅቢት ኣሎ።
ብሃብታሙ ተክለስላሴ
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5…
ይግበሩ/ራ!