ኣዲስ ኣበባ፣ 19 ለካቲት፣ 2013 (ኤፍ.ቢ.ሲ)ኮሚሽን ጉሙሩኽ 4 ሺሕን 320 ኪሎ ግራም መዓወኒ ሓሽሽ ከምዝሓዘ ኣፍሊጡ።
እቲ መዐወኒ ሓሽሽ፥ ብኤፍ ኤስ ኣር ተሽከርካሪት ተፃዒኑ ናብ ሞያሌ እንተጓዓዓዝ ዝተትሓዘ ከምዝኾነ ተገሊፁ፡፡
ልዕሊ ብር 17 ሚሊየን ግምታዊ ዋጋ ዘለዎ ሓሽሽ ከምዝኾነ እውን ተሓቢሩ።
ኣብ ኮሚሽን ጉምሩኽ ኢትዮጵያ ጨንፈር ሃዋሳ መተሓባበሪ መቆፃፀሪ ጣቢያ ጪጬ ኮማንደር ጫላ ቡልቻ ከምዝገለፁዎ፥ እቲ መዐወኒ ሓሽሽ እናጓዓዓዘ ዝነበረ ኣሽከርካሪ ኣብ ትሕቲ ቁፅፅር ውዒሉ ኢዩ።
እቲ መቆፃፀሪ ጣቢያ ሓበሬታ በፂሑዎ ክትትል እናገበረ ምፅንሑ ዝገለፁ እቶም መተሓባበሪ፥ እቲ ገናሒ መኪና ታርጋ ቁፅሩ ብምቕያር ኣጭበርቢሩ ንምሕላፍ ፈተነ ምግባሩ ምግላፆም ካብ ሚኒስቴር እቶት ዝረኸብናዮ ሓበሬታ የረድእ፡፡
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ
ይግበሩ/ራ!