ኣዲስ ኣበባ ፣ 1 ጉንበት፣ 2013 (ኤፍ ቢ ሲ)ኮሚሽን ፖሊስ ፌዴራል ኣብ ማእኸል ወታደራዊ መሰልጠኒ ጦላይ ንመበል 19 ዙር ዘሰልጠኖም 6 ሺሕን 431 ኣባላት ፖሊስ ኣመሪቑ።
ኣብቲ ስነ-ስርዓት ምረቓ ኮሚሽነር ጀነራል ኮሚሽን ፖሊስ ፌዴራል ደመላሽ ገብረሚካኤል፣ ምክትል ኮሚሽነር ኮሚሽን ፖሊስ ፌዴራል ዘፈር ምክልኻል ገበን መላኩ ፋንታን ፕሬዚዳንት ዩኒቨርሲቲ ፖሊስ ኢትዮጵያ ምክትል ጀነራል ኮሚሽነር መስፍን ኣበበን ተረኺቦም፡፡
ኣብቲ መርሃ ግብሪ ዝተረኸቡ ምክትል ዳይሬክተር መሰረታዊ ስልጠና ፖሊስ ፍቃዱ ጉደታ፥ ልኡኽቶ ንምፍፃምን ሀገር ካብ ሓይሊታት ጥፍኣት ንምክልኻልን፣ ሕጊ ንምኽባር ብኣእምሮ ዝበሰለ፣ ብኣካል ዝጠንከረን ብስነ-ምግባር ዝተሃነፀ፣ ንህዝቢን ሕገ-መንግስቲን ጠጠው ዝበለ መሰረታዊ መሰላትን ናፅነትን ዘኽብር ፖሊስ ዘድልየሉ እዋን ከምዝኾነ ገሊፆም፡፡
ካብ ዝኾነ ይኹን ፖለቲካዊ ውግንና ዝነፅሀ፣ ንብረትን ህይወትን ዜጋታት ንምሕላው ክሳብ ህይወት መስዋእትነት ንምኽፋል ቆራፅ ዝኾነ ሓይሊ ፖሊስ ኣሰልጢንካ ንልኡኽቶ ብቑዕ ገይርካ ናብ ስራሕ ምውፋር ወሳኒ ከምዝኾነ ምግላፆም እውን ካብቲ ኮሚሚን ዝረኸብናዮ ሓበሬታ የረድእ፡፡
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ
ይግበሩ/ራ!