ኣዲስ ኣበባ ፣ 27 ጉንበት፣ 2013 (ኤፍ ቢ ሲ)ኣብ ክልል ኦሮሚያ ክልል ዞባ ምብራቕ ሃረርጌ ወረዳ ቁምቢ ከተማ ሚኖን ኣብ ዞባ ቦሌ ወረዳ ሂዳን ዝተሃነፁ ፕሮጀክታት መፈልፈሊ ሓይሊ ፃሓይ ሚኖን ቤልቱን ተመሪቖም።
እቶም ፕሮጀክታት ርእሰ ምምሕዳር ክልል ኦሮሚያ ኣይተ ሽመልስ ኣብዲሳ፣ ሚኒስትር ማይ፣ መስኖን ኢነርጂን ዶክተር ኢንጂነር ስለሽ በቀለን ነበርቲ እቲ ከባቢን ኣብ ዝተረኸቡሉ ኢዮም ተመሪቖም።
ፕሮጀክት መፈልፈሊ ሓይሊ ፀሓይ ቤልቱ ብብር 7 ሚሊየን ዝተሃነፀ እንትኸውን፥ 750 ኪሎ ዋት ሓይሊ ናይ ምፍልፋል ዓቕሚ ኣለዎ ተባሂሉ፡፡
ፕሮጀክት መፈልፈሊ ሓይሊ ፀሓይ ሚኖ ድማ 225 ኪሎ ዋት ሓይሊ ኤሌክትሪክ ከምዘፍልፍልን ኣብቲ ከባቢ ዝርከባ ትካላት ጥዕናን ኣቢያተ ትምህርቲን ሓዊሱ ንልዕሊ 9 ሺሕ ነበርቲ ተረባሕቲ ዝገብር ከምዝኾነን ኢቢሲ ፀብፂቡ።
እቲ ፕሮጀክት፥ ሓይሊ ኤሌክትሪክ ዘይረኸቡ ነበርቲ ከተማ ሚኖ ብዙሕ ለውጢታት ከምዘምፀአሎም ተገሊፁ።
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5…
ይግበሩ/ራ!