ፓርቲ ብልፅግና ጠንካራ ትካላዊ ኣወዳድባ ንምፍጣር ይሰርሕ ከምዘሎ ገሊፁ

ኣዲስ ኣበባ፣ 1 ታሕሳስ፣ 2017 (ኤፍ ኤም ሲ)ቤት ዕዮ ኮሚሽን ኢንስፔክሽንን ስነ ምግባርን ፓርቲ ብልፅግና ኣብ ዝሓለፈ ሓደ ዓመት ልኡኹ ንምውፃእ ዘኽእሎ ጠንካራ ትካላዊ ኣወዳድባ ንምፍጣር ምሰርሑ ኣፍሊጡ።

እቲ ቤት ዕዮ “ካብ ታሕሳስ ክሳብ ታሕሳስ” ብዝብል መሪሕ ሓሳብ ኣብቲ ዓመት ዝተሰርሑ ስራሕቲ፣ ዝተረኸቡ ውፅኢታትን ንቐፃሊ ስራሕቲ ዝተወሰዱ ትምህርቲታትን ኣመራርሓ ዋና ቤት ዕዮ እቲ ፓርቲ ኣብ ዝተረኸብሉ መብርሂ ሂቡ።

ሓላፊ እቲ ቤት ዕዮ ሃብታሙ ሲሳይ ኣብ ዝሃብዎ መብርሂ፥ በቢብርኩ ኣወዳድባ እቲ ኮሚሽን ንምጥንኻር ምስርሑ፣ መምርሒታት ኣሰራርሓ ብምድላው በቲ ኮሚሽን ፀዲቖም ተግባራዊ ንክኾኑ ከምዝተገበረ ተዛሪቦም።

በቢብርኩ ንዝርከቡ ኣባላትን ኣመራርሓን እቲ ኮሚሽን ስልጠናታት መዕበዪ ግንዛበ ከምዝተውሃበ፣ ዓቕሚ ኣጠቓቕማ ቴክኖሎጂ ብምምሕያሽ ምዕባለ ናይ ምፍጣር ከይዲ ምፍፃሙ፣ ዓቕሚ ቁፅፅርን ኢንስፔክሽንን ክብ ምባሉ ከምኡወን ሓዱሽ ባህሊ ስራሕ ንምፍጣር ብዙሓት ተግባራት ከምዝተዓየዩ ገሊፆም።

ብፍላይ ኣፈፃፅማ ትልሚ ምዕሩይ ንክኸውን ጠንካራ ኢንስፔክሽን ንጠንካራ ፓርቲ ብዝብል መሪሕ ሓሳብ ተግባራዊ ምግባሩ ምዕሩይ ስርዓት ኣሰራርሓ ንክህሊ ከምዘኽኣለ ሓቢሮም።