ፍሪያታት ኢትዮጵያ ኣብ ኤግዚብሽን ዓለም ለኸ ሰንሰለት ቀረብ ቻይና ይፋለጡ ኣለዉ

ኣዲስ ኣበባ፣ 20 ሕዳር፣ 2017 (ኤፍ ቢ ሲ)ፍሪያታት ኢትዮጵያ ኣብ ቤጂንግ ኣብ ዝካየድ ዘሎ ኤግዚብሽን ዓለም ለኸ ሰንሰለት ቀረብ ቻይና  ይፋለጡ ኣለዉ።

ኣብቲ መርሃ ግብሪ፥ ናይ ኢትዮጵያ ሓዊሱ ካብ ዝተፈላለያ ሃገራት ዝመፅኡ ፍሪያታት፣ ኣምፃእቲን ለኣኽቲን፣ ኣቕረብቲ ይሳተፉ ኣለዉ።

ጎድኒ ንጎድኒ እቲ ኤግዚብሽን ኢንቨስትመንት፣ ንግዲን ዕድላት ቱሪዝምን ኢትዮጵያ ዘፋልጥ መድረኽ ተኻይዱ።

ኣምባሳደር ደዋኖ ኣብቲ መድረኽ ኣብ ዝገበርዎ ዘተ፥ ኣብ መንጎ ቻይናን ኢትዮጵያን ዘሎ ኩለ መዳይ ርክብ ልዑል ብርኪ ከምዝበፅሐ ኣረዲኦም።

ኣብ መንጎ ክልቲአን ሃገራት ዝሳለጥ ዘሎ ልውውጥ ንግዲን ኢንቨስትመንተን ካብ እዋን ናብ እዋን እናማዕበለ ከምዝመፅአ እውን ኣረዲኦም።

ብኣፈወርቅ እያዩ