ፋብሪካ ሲሚንቶ መሰቦ ናብ ዝተፈላለያ ከተማታት ትግራይ ብናይ ባዕሉ መጓዓዚያ ሲሚንቶ ምጉዕዓዝ ጀሚሩ

ኣዲስ ኣበባ፣ 25 ታሕሳስ፣ 2017 (ኤፍ ኤም ሲ)ፋብሪካ ሲሚንቶ መሰቦ ናብ ዝተፈላለዪ ከተማታትን ወረዳታትን ክልል ትግራይ ብናይ ባዕሉ ትራስፖርት ሲሚንቶ ምጉዕዓዝ ከምዝጀመረ ኣፍሊጡ።

ኣብ ቀዳማይ ዙር ናብ ኩለን ክፍለ ከተማታት መቐለ ሓዊሱ ናብ ከተማ ውቕሮ፣ መኾኒ፣ ማይጨው፣ ኣኽሱም፣ ሽረን ዓድዋን ናይ መጎዓዝያ ወፃኢታት ብምሽፋን ምጉዕዓዝ ጀሚሩ ኣሎ።

እቲ ፋብሪካ ድሕሪ ኲናት ኣብ ውሽጢ እቲ ክልል ይኹን ካብ ትግራይ ወፃኢ ብናይ ባዕሉ ትራንስፖርት ሲሚንቶ ምጉዕዓዝ ኣቋሪፁ ምንባሩ ኣዘኻኺሩ።

ሕዚ ድማ ኣብ ብርክት ዝበላ ከባቢታት ትግራይ ካብ ተጠቀምቲ ሲሚንቶ ዝለዓሉ ናይ ተበፃሓይነት ፀገማት ንምቅላል ዓሊሙ ከምዝጀመረ ኣብ ማሕበራዊ ሚዲይኡ ኣብ ዘመሓላለፎ መልእኽቲ ሓቢሩ።