ኣዲስ ኣበባ፣ 17 ነሓሰ፣ 2015 (ኤፍ ቢ ሲ)ፈተና ሬሜዲያል ኣብ ቀረባ እዋን ስለዝወሃብ ተፈተንቲ ምድላው ንኽገብሩ ሚኒስቴር ትምህርቲ ሓቲቱ።
እቲ ሚኒስቴር÷ ካብ 23 ክሳብ 26 ነሓሰ 2015 ዓ.ም ክወሃብ ዝነበረ ፈተና ሬሜዲያል ክናዋሕ ዝኸኣለ ስራሕቲ ቅድመ ምድላው ስለዘይተዛዘሙ ምዃኑ ሚኒስቴር ትምህርቲ ኣፍሊጡ።
ኣብቲ ሚኒስቴር መራሒ ፈፃሚ ስራሕ ኣካዳሚክ ጉዳያት ኤባ ሚጀና (ዶ/ር) ንፋና ብሮድካስቲንግ ኮርፖሬት ከምዝገለፁዎ÷ ክዛዘሙ ዝግበኦም ስራሕቲ ቅድመ ምድላዋት ብግቡእ ንመዝዛም ፈተና ሬሚዲያል ንዘይተወሰነ ግዘ ክናዋሕ ተገይሩ፡፡
ስራሕቲ ቅድመ ምድለዋት ምስተዛዘሙ÷ ተፈተንቲ ኣብ ቀረባ እዋን ንፈተና ስለዝፅውዑ ምድላው እናገበሩ ንኽፀንሑ ኣገንዚቦም፡፡
ኣብ ዝሓለፈ እዋን ፈተና ዘይወሰዱንመከሓሓሲ ትምህርቲ እናተኸታተሉ ዝነበሩን 46 ሺሕ ዝኾኑ መንግስታዊን ውልቀን ተምሃሮ ኣብ ቀረባ እዋን ፈተነኦም ከምዝወስዱ ኣረጋጊፆም፡፡
ፈተና ዝወስዱን መእተዊ ዩኒቨርሲቲ ዘምፅን ተፈተንቲ ሬሜዲያል ቅድም ክብል ፈተና ሬሜዲያል ወሲዶም ናብ ዩኒቨርሲቲ መእተዊ ምስ ዘምፅኡ ተምሃሮ ናብ ዩኒቨርሲቲ ዝኣተዉሉ ግዘ ተመሳሳሊ ስለዝኾነ ስግኣት ክሰግኡ ከምዘይግባእ ኣገንዚቦም፡፡
ብዮሃንስ ደርበው
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com