ፈተናታት ኩሎም ብዓወት ተዛዚሞም ገፅና ናብ ልምዓት ነዙረሉ ርሑቕ ኣይኸውንን -ኣይተ ደስታ ሌዳሞ

ኣዲስ ኣበባ፣ 5 ጳጉሜን፣ 2013 (ኤፍ ቢ ሲ)ርእሰ ምምሕዳር ክልል ሲዳማ ኣይተ ደስታ ሌዳሞ ሓዱሽ ዓመት ኣመልኪቶም መልእኽቲ እንኳዕ ኣብፀሐኩም ኣመሓላሊፎም።

እቶም ርእሰ ምምሕዳር፥ ኣብ 2013 ዓ.ም 6ይ ሃገራዊ መረፃ ዴሞክራሲያዊን ፍፁም ሰላማዊን ብዝኾነ መገዲ ምዝዛሙ፣ ካልኣይ ዙር ምምላእ ማይ ብዘይ ዝኾነ ፀግም ምዝዛሙ ኣብዚ ዓመት ካብ ሞንጎ ዝተመዝገቡ ዓበይቲ ዓወታት ዝፅርሑ ከምዝኾኑ ገሊፆም።

ብኻሊእ መዳይ ግብረ ራዕዲ ሀወሓት ንኢትዮጵያ ንምብታን መኸታ ሃገር ኣብ ዝኾነ ሰራዊት ምክልኻል ብዝኸፈቶ ኲናት ብግዲ ዝተኣተወ ዘስካሕን ብኣሽሓት ዝቑፀሩ ህይወት ዜጋታት ዝቐዘቨን ብዙሓት ድማ ካብ መረበቶም ዝተመዛበሉሉን ዓመት ከምዝነበረ ኣብሪሆም።

“ዝተወለዐ ኲናት ብምምካት ኣብ ሓፂር እዋን ግብረ ራዕዲ ጁንታ ብምድምሳስ ናብ ንቡር ሰላምና ንኽንምለስ፥ ኣብ ጎኒ ጅግና ሰራዊት ምክልኻልን ሓይሊታት ፀፅታን ደው ካብ ምባል ብተወሳኺ ብምኽንያት ኲናት ዝተመዛበሉ ወገናትና ብምሕጋዝ በዓል ሓዱሽ ዓመት ክነሕልፍ ይግባእ” ኢሎም እቶም ርእሰ ምምሕዳር።

“ሓዱሽ ዓመት 2014 ዓ.ም ዘጋጠሙ ፈተናታት ኩሎም ብዓወት ተዛዚሞም ገፅና ናብ ልምዓት ነዙረሉ ርሑቕ ኣይኸውንን” ዝበሉ ኣይተ ደስታ፥ መላእ ህዝቢ ክልል ሲዳማን ኩሎም ኢትዮጵያውያንን ሰላም ከባቢኦም ብምሕላውን ኣብ ዝተዋፈሩሉ ዓውደ ስራሕ ጠንኪሮም ብምስራሕን ዜግነታዊ ግቡኦም ንኽዋፅኡ ሓቲቶም።

ብቢቂላ ቱፋ

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።