ፀወታታት ሻምፒየንስ ሊግ ኣውሮፓ ሎሚ ምሸት ቀፂሎም ክካየዱ ኢም

ኣዲስ ኣበባ፣ 27 ጥቅምቲ፣ 2017 (ኤፍ ቢ ሲ)ራብዓይ ዙር ካልኣይ መዓልቲ ውድድራት ሻምፒየንስ ሊግ ኣውሮፓ ሎሚ ምሸት ዝካየዱ እንትኾኑ ኢንተር ሚላን ምስ ኣርሴናል ዝገብረኦ ፀወታ ትፅቢት ይግበረሉ ኢዮም።

ምሸት ሰዓት 2 ን 45 ቤልጂየማዊት ጋንታ ክለብ ብሩጅ ምስ እንግሊዛዊት ጋንታ ኣስቶንቪላ፤ ከምኡ እውን ዩክሬናዊት ሻካታር ዶኔስክ ምስ ስዊዘርላንዳዊት ጋንታ ያንግ ቦይስ ክራኸባ ኢየን፡፡

ብካሊእ መርሃ ግብሪ ፀወታ ምሸት ሰዓት 5 ኣብ ሳንሲሮ ጁሴፔ ሜዛ፤ ኢንተር ሚላን ምስ ኣርሴናል ዝገብረኦ ፀወታ ትፅቢት ይግበረሉ፡፡

ብወገን ኣርሰናል ኣምበል እታ ጋንታ ማርቲን ኤዲጋርድ ድሕሪ ክልተ ኣዋርሕ ጉድኣት ተመሊሱ ኣሎ፡፡

ብተመሳሳሊ ምሸት ሰዓት 5 ባየርንሙኒክ ምስ ቤኔፊካ፣ ፌይኖርድ ምስ ሬድ ቡል ሳልዝበርግ፣ ፒኤስጂ ምስ ኣትሌቲኮ ማድሪድ፣ ሬድ ስታር ቤልግሬድ ምስ ባርሴሎና፣ ስፓርታ ፕራግ ምስ ብረስት ከምኡ እውን ስቱትጋርት ምስ ኣትላንታ ክጋጠማ ኢየን፡፡

ትማሊ ምሸት ኣብ ዝተገበሩ ፀወታታት ሻምፒየንስ ሊግ ኣውሮፓ ትፅቢት ዘይተተገበረሎም ውፅኢታት ዝተመዘገቡ እንትኾኑ÷ ማንቼስተር ሲቲ ብስፖርቲንግ ሊዝብን 4 ን 1 ከምኡ እው ሪያል ማድሪድ ኣብ ሜዳኣ ብኤሲሚላን 3 ን 1 ተሳዒረን፡፡

ሊቨርፑል ንባየርሊቨርኩሰን 4 ን 0፣ ፒኤስቪ ንዢሮና 4 ን 0፣ ሴልቲክ ንኣር ቢ ሌይቢዢግ 3 ን 1፣ ቦሩሺያ ዶርቱመንድ ንስትሩም ግራዝ 1 ን 0፣ ሞናኮ ንቦሎኛ 1 ን 0፣ ዳይናሞ ዛግሬብ ንስሎቫን ብራቲስላቫ 4 ን 1 ብዝኾነ ውፅኢት እንትስዕራ ሊል ምስ ጁቬንቱስ 1 ን 1 ማዕረ ተፈላሊየን፡፡