ኣዲስ ኣበባ፣ 2 መስከረም፣ 2016 (ኤፍ ቢ ሲ)ግብፂ ኣብ ሞሮኮን ሊቢያን ብዘጋጠሙ ሓደጋታት ምሕዝነታ ንምግላፅ ናይ ሰለስተ መዓልቲ ብሄራዊ ሓዘን ኣዊጃ።
ፕሬዚዳንት ግብፂ ኣብድልፈታህ ኣል ሲሲ÷ “ህዝቢ ግብፂ፤ ህዝቢ ሞሮኮን ሊቢያን ብዘጋጠመ ሓደጋ ጉድኣት ንዝበፅሖም ዜጋታት ልባዊ ሓዘኑን ይገልፅ” ኢሎም፡፡
ኣብ ልዕሊ ኣሕዋት ህዝቢታት ብዘጋጠመ ጉድኣት ድማ ግብፂ ንሰለስተ መዓልቲ ዝፀንሕ ብሄራዊ ሓዘን ተኣዊጁ ምባሎም ሚድል ኢስት ሞኒተር ፀብፂቡ፡፡
እቶም ፕሬዚዳንት ካብ መዓልቲ ሓዘን ብተወሳኺ ጦር ግብፂ ኣብ ሞሮኮን ሊቢያን ንዝተጎድኡ ዜጋታት ህፁፅ ሰብኣዊ ሓገዝ ንኸቕርብ መምርሒ ከምዝሃቡ ተገሊፁ፡፡
ቅድም ክብል ኣብ ሞሮኮ ብዘጋጠመ ምንቅጥቃጥ መሬት ልዕሊ 2 ሺሕ ሰባት ህይወቶም ዝሓለፈ እንትኸውን÷ ኣብ ሊቢያ ብዘጋጠመ ሓደጋ ውሕጅ ድማ ልዕሊ 5 ሺሕ ሰባት ከምዝሞቱ ይፍለጥ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com