ግብረ ራዕዲ ጉጅለ ስዕረትን ክሳራን እናበፅሖ ስለዝኾነ ናይ ተስፋ ምቑራፅ ስጉምቲታት እናወሰደ ይርከብ – ኣይተ ደመቀ መኮንን

ኣዲስ ኣበባ፣ 13 ሰነ፣ 2014 (ኤፍ ቢ ሲ)ብምትሕብባር ኣካላት ኣኽበርቲ ፀፅታን ህዝቢን ዝተወሰደ ስጉምቲ ኣብ ልዕሊ ግብረ ራዕዲ ጉጅለ ስዕረትን ክሳራን እናበፅሖ ስለዝኾነ፤ ናይ ተስፋ ምቑራፅ ስጉምቲታት እናወሰደ ከምዝርከብ ምክትል ቀዳማይ ሚኒስትርን ሚኒስትር ጉዳያት ወፃኢን ኣይተ ደመቀ መኮንን ገሊፆም።

ኣይተ ደመቀ መኮንን ነቲ ጉዳይ ኣመልኪቶም ኣብ ማሕበራዊ ምትእስሳር ገፆም ኣብ ዘመሓለለፉዎ ፅሑፍ፥ “ኣብ ቀረባ እዋን ኣብ ከባቢ ጋምቤላ ዝገበሮ ፈተነ እንትፍሽሎ ኣብ ምዕራብ ወለጋ ከባቢ ጊምቢ ኣብ ልዕሊ ንፁሃን ዜጋታ ብፍላይ ኣብ ልዕሊ ህፃናትን ደቂ ኣንስትዮን ዘካየዶ ጨፍጫፍ ኣዚዩ ዘሕዝንን ዘይሰብኣዊ ተግባርን ኢዩ” ኢሎም፡፡

ኣይተ ደመቀ መኮንን፥ እቲ ጉጅለ ኣብ ዝተፈላለዩ ከባቢታት ብዝወሰዶ እኩይ ናይ ጥፍኣት ስጉምቲ ኣብ ልዕሊ ንፁሃን ወገናት ዝበፅሐ ጉድኣት ዝተሰመዖም መሪር ሓዘን ገሊፆም፡፡

“ብወገን መንግስቲ ስጉምቲ ምኽባር ሕጊ ተጠናኺሩ ከምዝቕፅል ከረጋግፅ ይፈቱ” እውን ኢሎም።

ኣብ ቀፃሊ ንስድራ ተጎዳእቲ ናይ ምርግጋእ፣ ምሕጋዝን መሊስካ ምጥያሽን ከምዝስራሕን ግብረ ራዕዳውያንን ፀንፈኛታትን ናብ ሕጊ ናይ ምቕራብ ስራሕ ተጠናኺሩ ከምዝቕፅልን ኣብሪሆም፡፡

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።