ኣዲስ ኣበባ ፣ 21 ነሓሰ፣ 2014 (ኤፍ ቢ ሲ)ግብረ ራዕዲ ህወሓት ኣማራፅታት ሰላም ንጎኒ ብምግዳፍ ዝኸፈቶ ወተሃደራዊ መጥቃዕቲ ኣስፊሑ ቀፂሊሉ ክብል ኣገልግሎት ኮሚኒኬሽን መንግስቲ ኣፍሊጡ።
እቲ ኣገልግሎት ኣብ ዘውፅኦ መግለፂ፥ ግብረ ራዕዲ ህወሓት ዝተውሃቦ ኣማራፂ ሰላም በምርጋፅ ንሳልሳይ እዋን ኣብ ልዕሊ ሃገርና ዝኸፈቶ ወተሃደራዊ መጥቃዕቲ ኣጠናኺሩ ቀፂሉሉ ኣሎ ኢሉ።
እቲ ግብረ ራዕዲ ብሙሉእ ዓቕሙ ንኲናት ይዳሎ ከምዝነበረ እቲ መግለፂ ኣዘኻኺሩ።
ሐዚ እውን ኣብ ዝተፈላለዩ ግንባራት ዝተኸፈተ መጥቃዕቲ ብምስፋሕ ኣብ ልዕሊ ርሂፀ በላዕ ንፁሃን ዜጋታት ዒላማ ዝገበረ መጥቃዕቲ የካይድ ከምዘሎ ኣፍሊጡ።
እዋኑ ዝሓለፎ ስልቲ ኲናት ማዕበል ሓይሊ ሰብ ብምሓዝ ብኣሽሓት ዝቑፀሩ ሰገናትን መናእሰይን ናብ ሓዊ በምእጓድ፣ ኣብ ልዕሊ ሰለማዊያን ሰባት ዝተኸፈተ መጠነ ሰፊሕ መጥቃዕቲ ሎሚ እወን ኣጠናኺሩ ከምዝቐፀሉ ድማ ሓቢሩ።
ህወሓት መቕተልቲ፣ ምምዝባል፣ ዕንወት ናውቲ፣ ምፍራስ መሰረተ ልምዓትን ካልኦት ተግባራት ጭካነን ንምፍፃም ልክዕ ከምቲ ናይ ቅድመ ሐዚ ሓይሊ ኣተኣኻኪቡ ናብ ኣዋሰንቲ ከባቢታት ክልላት ኣምሓራን ዓፋርን ይንቀሳቐስ ከምዘሎ ሓቢሩ።
መንግስቲ ዘቐመጦ ኣማራፂ ሰላም ከምዘለዎ ኮይኑ ጅግና ሰራዊት ምክልኻል ሃገር እቲ ጉጅለ ግብረ ራዕዲ ንዝኸፈቶ መጠነ ሰፊሕ መጥቃዕቲ ብዝግባእ ይምክቶ ከምዘሎ እቲ መግለፂ ኣፍሊጡ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።