ከምዝዘመተ ውሕመ ገሊፁ ኣዲስ ኣበባ፣ 19 ነሓሰ፣ 2014 (ኤፍ ቢ ሲ)ግብረ ራዕዲ ህወሓት ኣብ መቐለ ካብ ዘሎ መኽዝን ውድብ ምግቢ ዓለም 12 ቦቴ ነዳጅ ከምዝዘመተ ኣቀባሊ ቃል ዋና ፀሓፊ ውድብ ሕቡራት መንገስታት(ውሕመ) ስቴፈን ዱጃሪክ ገሊፁ።
እቶም ኣቐባሊ ቃል ትማሊ ንጎሆ ጉጅለ ግብረ ራዕዲ ህወሓት ብሓይሊ መቐለ ናብ ዝርከብ መኽዘን እቲ ትካል ብምእታው ብሓፈሻ 570 ሺሕ ሊትሮ ነዳዲ ከምዝወረረ ኣፍሊጦም።
ኣብቲ ከባቢ ዝነበሩ ሰራሕተኛታት ውሕመ ናይቲ ግጅለ ራዕዲ ወረራ ደው ምባል ዘይምኽኣሎም ኣረዲኦም።
እቶም ኣቐባሊ ቃል ብህወሓት ዝተወረረ ነዳዲ ኣብቲ ክልል ሰብኣዊ ሓገዝ ንዘድልዮም ዜጋታት ምግቢ ምቕራብን ዘበናዊ ድኹዒ ሓዊሱ ካልኦት ኣድለይቲ ሰብኣዊ ሓገዛት ንምብፃሕ ክውዕል ዝነበረ ምዃኑ ሓቢሮም።
እቲ ወራር ኣቕርቦት ሰብኣዊ ሓገዝ ከምዘተኣጓጉል ተዛሪቦም።
ውድብ ሕቡራት መንግስታት ኣብ ልዕሊ ዝኾኑ ይኹኑ ናውቲታት ሰብኣዊ ሓገዝ ዝፍፀም ወራር ከምዘውግዝ ገሊፆም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።