ጌዲዮን ጢሞቴዎስ(ዶ/ር) ምስ ኣቦ መንበር ኮሚሽን ሕብረት ኣፍሪካ ሙሳ ፋኪ ማሃማት ዘቲዮም

ኣዲስ ኣበባ፣ 26 ጥቅምቲ፣ 2017 (ኤፍ ቢ ሲ)ሚኒስትር ጉዳያት ወፃኢ  ጌዲዮን ጢሞቴዎስ(ዶ/ር) ምስ ኣቦ መንበር ኮሚሽን ሕብረት ኣፍሪካ ሙሳ ፋኪ ማሃማት መድረኽ ዘተ ምልላይ ኣካይዶም።

ከልቲኦም መራሕቲ፥ ኣብ ሓበራዊ ዛዕባታት ብፍላይ ኣብ ርክብ ኢትዮጵያን ሕብረት ኣፍሪካን ከምኡወን ቀጣናዊን ኣህጉራዊን ጉዳያት ዝጠመተ ልውውጥ ሓሳብ ገይሮም።

ጌዲዮን ጢሞቴዎስ(ዶ/ር)፥ ኢትዮጵያ ንምጥንኻር ሕብረት ኣፍሪካ ዘለዋ ታሪካዊ ሓላፍነት ብቑርፀኝነት ኣጠናኺራ ከምእትቕፅል ኣረጋጊፆም።

እቶም ኣቦ መንበር እቲ ሕብረት ንክጠናኸር ንዝገበርዎ ኣስተዋፅኦ ዘለዎም ናእዳን ምስጋናን ገሊፆም።

ሙሳ ፋኪ ማሃማት ብግደኦም፥ እቶም ሚኒስትር ብምሿሞም ዝተሰመዖም ታሕጓስ ከምኡውን ኣብ ናቶም ናይ ሓላፍነት ዘበን እቲ ሕብረት ብዝበለፀ ንክጠናኸር ኣስተዋፅኦ ከምዝገብሩ ዘለዎም ተስፋ ምግላፆም ኣብቲ ሚኒስቴር ዝረኸብናዮ ሓበሬታ የረድእ።