ጌዲዮን ጢሞቲዎስ (ዶ/ር) ኣብ ኢትዮጵያ ምስ ዝሰርሑ ኤጀንሲታት ውሕመ ተዛቲዮም

ኣዲስ ኣበባ፣ 25 ሕዳር፣ 2017 (ኤፍ ቢ ሲ)ሚኒስትር  ጉዳያት ወፃኢ ጌዲዮን ጢሞቲዎስ (ዶ/ር) ኣብ ኢትዮጵያ ዋና ተፀዋዒን መተሓባበሪ ሰብኣዊ ሓገዝን ውሕመ ኣብ ኢትዮጵያ ምስ ዝሰርሑ ኤጀንሲታት እቲ ትካል ኣብ በዓል ብዙሕ ዓውዲታት ምትሕብባር ጠሚቶም ተዛቲዮም።

ኢትዮጵያ መስራቲት ውሕመ ከም ምዃና ኣምራት እቲ ትካል ስዒቡ ልኡኽቶታት ንኽዕወት ቀፃነት ብዘለዎ መገዲ ብንቕሓት ትንቀሳቐስ ሃገር ከምዝኾነት እቶም ሚኒስትር ኣብቲ እዋን ዘተ ኣገንዚቦም፡፡

መንግስቲ ዘቐመጦም ቀዳሞት ኣንፈታት ትኹረት መሰረት ብምግባር ውድብ ሕቡራት መንግስታት እናገበሮ ዘርከብ ሓገዝ ኣጠናኺሩ ንኽቕፅል ሓቲቶም።

ሓገዝ እቲ ትካል ምስ ኣንፈታት ፖሊሲ እታ ሃገር ተናቢቦም ብምውጋኖም በቲ ፀገም ተቓካዕቲ ዝኾኑ ክፋላት ሕብረተሰብ ህይወቶም ኣብ ምምሕያሽ ወሳኒ ግደ ዝፃወት ከምዝኾነ እውን ኣገንዚቦም፡፡

ኢትዮጵያ ኣብ ውሕመ ዝተቐመጡ ዘላቒ ሸቶታት ልምዓት ንምዕዋት ኣብ ትገብሮ ፃዕሪ÷ ኣብ ትሕቲ ፅላል እቲ ትካል ዝርከቡ ኤጄንሲታት እቲ ጉዳይ ምስዝምልከቶም ቤት ዕዮ ሚኒስቴራት ተዋዲዶም ንኸሰርሑ ሓቲቶም።

ዋና ተፀዋዒትን መተሓባበሪን ሰብኣዊ ሓገዝ ውሕመ ኣብ ኢትዮጵያ ራሚዝ ኣልካባሮቭ (ዶ/ር)ን ተወከልቲ ኤጄንሲታት ውሕመን ኣብ ኢትዮጵያ መንግስቲ ትኹረት ኣብ ዝሃቦም ዓውዲታት ተሓባቢሩ ንምስራሕ ዘለዎም ቆራፅነት ኣረጋጊፆም።