ጉጅለ ራዕዲ ህወሓት ቦታታት ዝተቖፃፀረ ብምምሳል ዘጋወሖ ፕሮፓጋንዳ ሓሶት ኢዩ – ሚኒስቴር ምክልኻል

ኣዲስ ኣበባ፣ 17 ሰነ፣ 2013 (ኤፍ ቢ ሲ)ንሰላምን ፀፅታን 6ይ ሃገራዊ መረፃ ብዝብል እቲ ሰራዊት ናብ ዝተፈላለዩ ክፋላት ኢትዮጵያ ምውፋሩ ስዒቡ ተረፍ እቲ ጉጅለ ግብረ ራዕዲ ቦታታት ዝተቖፃፀር ብምምሳል ዘጋወሖ ፕሮፓጋንዳ ሓሶት ከምዝኾነ ሚኒስቴር ምክልኻል ኣፍሊጡ።

እቲ ሚኒስቴር ሎሚ መዓል ኣብ ዝሃቦ መግለፂ፥ ሃገራዊ መረፃ ስዒቡ ስግኣት ውሽጢ ዓዲን ወፃኢን ንምምካት ካብ ክልል ትግራይ ናብ ኣርባዕቲኡ ኣንፈት እታ ሃገር ምውፋር ሰራዊት ገይሩ ከምዝነበረ ገሊፁ።

ዳይሬክተር ርክብ ህዝቢ ሚኒስቴር ምክልኻል ኮሎኔል ጌትነት ኣዳነ ኣብ ዝሃቡዎ መግለፂ፥ጉጅለ ዕጡቕ ህወሓት ነዚ ዕድል ብምጥቃም ካብ ዝተሓብአሉ ቦታን ኩነታትን ብምውፃእ ቦታታት ዝተቖፃፀረ በምምሳል ናይ ሕሶት ፕሮፓጋንዳ ምፍናዉ ተዛሪቦም።

እቲ ሓይሊ እዚ እናገበረ ዝርከብ ዓለም ለኸ ትኹረት ንምስሓብን ምስ መንግስቲ ኣደራድሩኒ ንምባልን ከምኡ እውን ዛዕባ ንምቕያርን ከምዝኾነ ገሊፆም።

ኣብዚ ሰሙን ኣብ ክልል ትግራይ ብዛዕባ ዝተፈፀመ ደብዳብ ኣየር ኣመልኪቶም መብርሂ ዝሃቡ እቶም ኮሎኔል፥ ሓይሊ ኣየር ፌዴሪኢ ብዝረኸቦ ጥቡቕ ሓበሬታ ውፅኢታዊ ኦፕሬሽን ከምዝፈፀመ ኣብሪሆም።

“እቲ ኦፕሬሽን በዓል መዓልቲ ሰማእታት ንምኽባር ብዝብል ዝተዳለወ ሓይሊ እቲ ጉጅለ ፈሊዩ ዝወቕዐ ኢዩ” ኢሎም።

ኣብ ዕዳጋ ደብዳብ ተፈፂሙ ንዝብል ሓሳብ ምላሽ እንትህቡ፥ እቲ መጥቃዕቲ ኣየር ዝተፈፀመ ካብ ሰዓት ዕዳጋ ወፃእ ሰዓት ትሽዓተ ዝተገበረ ኦፕሬሽን ከምዝነበረ ኣብሪሆም።

ስለዝኾነ ድማ ኣብ ልዕሊ ንፁሃን ዝተፈፀመ መጥቃዕቲ ከምዘየለ ኣረጋጊፆም።

እቲ ጉጅለ ብናይ ሕሶት ፕሮፓጋንዳ ንመናእሰይ ትግራይ እናደለለ ይርከብ ዝበሉ ዳይሬክተር፥ ነባሪ እቲ ክልል ነዚ ተረዲኡ ንባዕሉ ኣብ መሊስካ ምህናፅ ከድህብ ከምዝግባእ ፃውዒት ኣቕሪቦም።

ብተስፋዬ ከበደ

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።