ጅግና ሰራዊት ምክልኻል ካብ ትማሊ ጀሚሩ ይወስዶ ብዘሎ ኦፕሬሽን ጠንካራ መምሀሪ ስራሕ ይሰርሕ ኣሎ-ቀዳማይ ሚኒስትር ኣቢይ

ኣዲስ ኣበባ፣ 14 ሰነ፣ 2014 (ኤፍ ቢ ሲ)ጅግና ሰራዊት ምክልኻል ካብ ትማሊ ጀሚሩ ይወስዶ ብዘሎ ኦፕሬሽን ጠንካራ መምሀሪ ስራሕ ይሰርሕ ኣሎ ክብሉ ቀዳማይ ሚኒስትር ኣቢይ ኣሕመድ ተዛሪቦም።

እቶም ቀዳማይ ሚኒስትር መርሃ ግብሪ መበል ራብዓይ ሓምለዋይ ዓሸራ ኣብ ማእኸል እፅዋት ጉለሌ ኣዲስ ኣበባ ኣጀሚሮም።

ኣብቲ እዋን ኣብ ዝገበርዎ መደረ፥ ኢትዮጵያ ናብ ምዕባለ ንምጉዓዝ ኣብ እትገብሮ ፃዕሪ ሰለስተ ነገራት ምግንዛብ የድሊ ኢሎም።

ንሳቶም እውን፥ “ኢትዮጵያን ኢትጵያውያንን ዕቱብ ፃዕሪ ምግባር ኣለዎም፤ ሃፍቲ ብምእካብ፣ ቴክኖሎጂ ብምጥቃም ምስ ተፈጥሮ ብምትዕራቕ ዘለዉና ፀገማት ክንቀርፍ ይግባእ” ኢሎም።

ብተወሳኺ ኢትዮጵያን ኢትጵያውያንን ዕቑር ሃፍቲና ክንጥቀም ኣለና ኢሎም።

ካብ ኢትዮጵያዊያን ትፅቢት ዝግበር ሃገርና ምክንኻን ኢዩ ዝበሉ እቶም ቀዳማይ ሚኒስትር፥ ምክንኻን እንትበሃል ሃገርን ምድሪን ጥራሕ ዘይኮነስ ሰብ እውን ኢዩ ክብሉ ተዛሪቦም።

ምስ ወተሃደርን ፖሊስን ፊት ንፊት ምግጣም ዘይኽእሉ ተለኣኣኽቲ ባንዳታት ሎሚ ንፁሃን ይቐትሉ ኣለዉ ብምባል፥ ነዚ ደው ምባል ካብ ኩሉ ትፅቢት ዝግበር ኢዩ ክብሉ ብኣፅንኦት ተዛሪቦም።

ኣብ ኢትዮጵያ ንፁሃን ዘይነብሩሉ ንምግባርን ሓሳብና ንምጭንጋፍን ዝፍትኑ ሓይልታትን ተለኣኣኽቶምን ትልሞም ከምዘይዕወት እውን ሓቢሮም።

ነዚ ድማ ብዘይ ምክፍፋል ተኣኪብና ብሓደ ቅልፅም ፀላእትና ክነሕፍሮም ይግባእ ክብሉ ተዛሪቦም።

ጅግና ሰራዊት ምክልኻል ካብ ትማሊ ጀሚሩ ይወስዶ ብዘሎ ኦፕሬሽን ጠንካራ መምሀሪ ስራሕ ይሰርሕ ኣሎ ክብሉ ድማ እቶም ቀዳማይ ሚኒስትር ገሊፆም።

ይኹን እንበር ናይ ኩሉ ኣመራርሓ ትኹረት የድሊ ክብሉ ኣተሓሳሲቦም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።