ኣዲስ ኣበባ ፣ 21 ሓምለ፣ 2015 (ኤፍ ቢ ሲ)ነበር ፕሬዚዳንት ኣሜሪካ ዶናልድ ትራምፕ ተወሳኺ ክሲ ገበን ቀሪቦምዎም።
ትራምፕ ኣብ ፍሎሪዳ መንበሪ ገዝኦም ኣብ ዝርከብ ናይ ድሕንነት ካሜራ ዝተቐረፀ ተንቀሳቓሲ ምስሊ ኣብቲ ገዛ ዝርከብ በዓል ሞያ ፅገና ንኸጥፈኦ ኣገዲዶም ብዝብል ተወሳኺ ክሲ ከምዝቐረቦም ቢቢሲን ኣልጀዚራን ፀብፂቦም።
ናቶም ትእዛዝ ስዒቡ ድማ ቅድሚ ሕዚ ዓበይቲ ሚስጢራዊ ሰነዳት ኣሜሪካ ብግቡእ ኣይሓዙን ብዝብል ምስ ዝቐረበሎም ክሲ ተተሓሒዙ መረዳእታ ክኸውን ይኽእል ኢዩ ዝተብሃለ ተንቃሳቓሲ ምስሊ ካብቲ ካሜራ ክጠፍእ ተገይሩ ኢዩ ተባሂሉ።
ሓዱሽ ቀሪቡዎም ዘሎ ክሲ፤ “ከይዲ ምርመራ ንምትእጉጓል ብምፍታን፣ ሰነዳት ምክልኻል እታ ሃገር ኮነ ኢሎም ብመሓዝ ከምኡ እውን ሓሬታን ሰነዳትን ኣጥፊኦም ኢዮም” ዝብል እንትኸውን÷ ነዚ ስዒቡ ድማ ብሓፈሻ ዝቐረቡዎም ክሲታት 40 ከምዝበፅሑ ተገሊፁ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com