ድሕሪ ሪፎርም መጠባበቒ ክዙን ሸርፊ ወፃኢ ብሄራዊ ባንኪ ኢትዮጵያ ብዕፅፊ ከምዝወሰኸ ተገሊፁ

ኣዲስ ኣበባ፣ 26 ጥቅምቲ፣ 2017 (ኤፍ ቢ ሲ)ሃገራዊ ሪፎርም ካብ ዝጅምር ንዳሓር መጠባበቒ ክዙን ሸርፊ ወፃኢ ብሄራዊ ባንኪ ኢትዮጵያ ብዕፅፊ ከምዝወሰኸ ገዛኢ ብሄራዊ ባንኪ ማሞ ምህረቱ ኣፍሊጦም፡፡

ሸቶ እቲ ባንኪ ፋይናንስን ናህሪ ዋጋን ምርግጋእ ከምዝኾነ ብምሕባር÷ እቲ ሓዱሽ ረቂቕ ኣዋጅን፣ ብሄራዊ ባንኪ ኢትዮጵያ ስልጣንን ተግባርን ንምውሳን ዝወፅኡ ኣዋጃት እውን ነዚ ሸቶ ንምዕዋት ብዘኽእል መገዲ ምምሕያሽ ከምዝግበረሎም ኣልዒሎም፡፡

ሃገራዊ ሪፎርም ካብ ዝጅምር ንዳሓር መጠባበቒ ክዙን ሸርፊ ወፃኢ ብሄራዊ ባንኪ ኢትዮጵያ ብዕፅፊ ከምዝወሰኸ እውን ኣፍሊጦም፡፡

ኢትዮጵያ ናህሪ ዋጋን ንምንካይ ዝጀመረቶ ፃዕሪ ኢኒሼቲቭ ዓለም ለኸ ትካል ገንዘብ ቅድሚ ምጅማሩ ቅድሚ ሓደ ዓመት ከምዝኾነ ብምግላፅ÷ “በዚ ድማ ዘዕግብ ውፅኢት ተረኺቡ ኢዩ” ኢሎም፡፡

መንግስቲ እናወሰዶም ብዝርከቡ ዝተፈላለዩ ስጉምቲታት ኣብ ዝቕፅሉ ኣዋርሕ ዝቕባበ ዋጋ ከምዝንኪ እውን ዘለዎም እምነት ገሊፆም፡፡